اتفاقيات مستوى الخدمة
حدد وقت الرد لعملائك، واعرف متى فريقك يلتزم فيه
تحدد وقت الرد اللي تبيه لعملائك، مثل عشر دقائق لأول رد، وهاتف يحسب كم انتظر كل عميل. وتشوف يوم بيوم كم رد تجاوز المهلة، وكم متوسط التأخير.
اكتب وقت الرد مرة، واستخدمه في كل قنواتك
تحدد الوقت المستهدف مرة، مثل «أول رد خلال 10 دقائق»، وينحط على أي محادثة في أي قناة. فالفريق كله يشتغل على نفس الوعد للعميل.
- تسوي أكثر من اتفاقية، كل وحدة باسمها ومدتها
- توقف الاتفاقية متى ما تبي، والعدّادات الجارية تكمل
العدّاد يوقف خارج الدوام، والتذكير يوصل قبل الموعد
الرسالة اللي توصل بعد الإغلاق ما تاكل المدة طول الليل، لأن العدّاد يتوقف خارج أوقات العمل إذا اخترت. واللي ماسك المحادثة يوصله تذكير قبل انتهاء المدة، حتى ثلاثة تذكيرات، والوقت لسا يسمح بالرد.
المحادثة اللي قرب وقتها تبان في الوارد
الموظف يشوف في الوارد أي محادثة قرب وقتها وكم باقي لها، وأي وحدة فات موعدها وكم تأخرت. فيبدأ باللي ما يحتمل التأخير.
- تنحط تلقائياً من الأتمتة، أو يدوياً على محادثة بعينها
- التجاوز ينكتب داخل المحادثة بوقته
قائمة بكل رد تأخر، ومين كان مسؤول عنه
لكل رد تأخر تعرف مين العميل، مين المسؤول عن المحادثة، وكم تأخر. واللي لسا بدون رد يبان لك، فتلحق عليه.
- تحصر التقرير على موظف، قناة، أو فترة
- تفتح المحادثة نفسها من التقرير
أسئلة عن الميزة
كيف تنحط الاتفاقية على المحادثة؟
تلقائياً من الأتمتة على المحادثات اللي تحددها، أو يدوياً من المحادثة نفسها. وتغيّرها أو تشيلها متى ما تبي.
وش يصير لما يفوت وقت الرد؟
التجاوز ينكتب داخل المحادثة وينحسب في التقرير. وتقدر تسوي أتمتة تشتغل عند التجاوز، مثل إنها ترجّع المحادثة لقائمة غير المُسندة عشان ياخذها زميل ثاني.
مين يقدر ينشئ الاتفاقيات ويطبقها؟
اللي عنده صلاحية «إدارة اتفاقيات مستوى الخدمة». وتطبيق الاتفاقية على محادثة أو إزالتها صلاحيتين ثانيتين تتحددان لكل قناة.
