الرقم الموحد
رقم واحد لشركتك، وفريقك كله يرد منه
رقم 9200 باسم شركتك، يبقى لها مهما تغيّر الموظفين. فريقك يرد منه من الجوال أو المتصفح، بدون شريحة لكل موظف.
رقم لكل قسم وفرع، وكلها تحت يدك
المبيعات لها رقم، وخدمة العملاء لها رقم، وكل فرع له رقمه. العميل يتصل على القسم اللي يبغاه مباشرة، وأنت تدير الأرقام كلها من مكان واحد.
- تطلب رقم جديد وقت ما تفتح قسم أو فرع
- تربط رقمك الحالي إذا عندك رقم من قبل
أنت تحدد مين يرد على الرقم
تختار الموظفين اللي يردون على كل رقم، وتغيّرهم متى ما احتجت. الرقم للشركة، فما يروح مع موظف ترك.
- الموظف الجديد يبدأ يرد من أول يوم، بدون شريحة جديدة
- اللي يترك الشركة تشيله من الرقم، وعملاؤه يبقون عندك
الرقم يمشي على دوامك، ويعرف موظف كل عميل
تحدد ساعات عمل الرقم، واللي يتصل خارج الدوام يمشي على مسار ثاني أنت تختاره. ومع «إعادة الاتصال الذكي»، العميل اللي له موظف معيّن توصل مكالمته لنفس الموظف أول، فما يعيد قصته من البداية.
أسئلة عن الميزة
وش يصير لو اتصل عميل خارج الدوام؟
أنت تحدد. الرقم يعرف ساعات دوامك، والمكالمة اللي توصل خارجها تمشي على مسار ثاني تختار وش يصير فيه من سير المكالمات.
أي أنواع الأرقام أقدر أضيف؟
الرقم الموحد (9200)، الرقم المجاني (800)، رقم ثابت (01)، رقم جوال، أو قناة واتساب، حسب المتاح في باقتك. وإذا عندك رقم من قبل تربطه بدل ما تبدأ برقم جديد.
