مسارات المكالمات
كل متصل يوصل للقسم الصح من أول مكالمة
أنت تحدد وش يصير للمكالمة من أول رنة: وش يقول الرد الآلي، وعلى أي فريق ترن. تصمم خط سير المكالمات بنفسك، بدون مبرمج.
المتصل يختار القسم بضغطة رقم
المتصل يسمع ترحيب شركتك ويختار: 1 للمبيعات، 2 للإيجارات، 3 لخدمة العملاء. مكالمته توصل للفريق المسؤول مباشرة، واللي يعرف الرقم الداخلي لموظف يطلبه على طول.
تكتب الرد الآلي بالعربي، وهاتف يحوله صوت
ما تحتاج استديو ولا معلّق صوتي. تكتب الترحيب اللي تبي المتصل يسمعه بالعربي، وهاتف يحوله لمقطع صوتي تسمعه قبل ما تستخدمه.
- صوت ذكر أو أنثى
- أو ترفع ملف جاهز، أو تسجلها بصوتك
المكالمة ترن على الفريق بالطريقة اللي تختارها
ترن عند كل الفريق في نفس الوقت، أو تتوزع بينهم بالدور فما تتكدس المكالمات على موظف واحد. وإذا ما أحد رد، تكمل المكالمة للخطوة اللي تحددها، مثل رسالة صوتية.
- إذا تغيّر أعضاء الفريق، المسار يتحدث لحاله
- أنت تحدد كم ترن المكالمة قبل ما تنتقل
خارج الدوام، المتصل يسمع رد ثاني
اللي يتصل والشركة مقفلة يسمع رسالة تقول له متى ترجعون، بدل ما يرن الرقم بدون رد. وأثناء الدوام تمشي المكالمة على القائمة والفريق كالعادة.
أسئلة عن الميزة
أحتاج مبرمج أو خبرة تقنية عشان أرسم المسار؟
لا. تختار الخطوات وتوصلها ببعض على لوحة مرسومة قدامك، بدون كود.
أقدر أجهز أكثر من مسار لنفس الرقم؟
إيه. تجهّز أكثر من مسار على نفس الرقم، والمنشور منها هو اللي يشتغل. فتجهّز مسار للإجازات وتنشره وقت ما تحتاجه.
هل المسار يحوّل المكالمة لرقم خارجي أو يسجل بريد صوتي؟
لا، هذي الخطوتين مو متاحة الحين. المسار اليوم يوصّل المكالمة لفريقك داخل هاتف، ويشغّل للمتصل رسالة صوتية أنت تجهزها.
