الموظف الآلي
موظف يرد على عملائك حتى لو فريقك كله مشغول
موظف بالذكاء الاصطناعي يرد على مكالمات عملائك أو رسائلهم في واتساب من المعلومات اللي كتبتها له. وإذا وصل لحالة حددتها أنت، يحوّل المحادثة لزميل من فريقك.
تكتب له التوجيهات، وهاتف يقول لك وش ناقصه
تكتب للموظف دوره ونبذة عن شركتك وأسلوبه في الكلام، ويرد على عملائك على أساسها. وهاتف يراجع إعداده ويقول لك وش اكتمل ووش باقي.
- يعرف منتجاتك والأسئلة اللي تتكرر على فريقك
- تشغّله أو توقفه متى ما بغيت
أنت تحدد متى يسلّم المحادثة، ولمين
تكتب الحالات اللي تبيها توصل لموظف بشري، مثل حجز موعد معاينة أو التفاوض على السعر، وتختار مين يستلم كل حالة.
- كل حالة لها مسؤولها، شخص أو فريق
- التحويل اللي ما طابق أي حالة له مستلم افتراضي، فما يضيع
جرّبه بنفسك قبل ما يكلم أي عميل
تكتب له مثل ما يكتب العميل وتشوف وش يرد، وأي معرفة استخدم، ولمين كان بيحوّل المحادثة. رسائل التجربة ما توصل لأي عميل وما تنحسب في التقارير.
تعرف وش أنجز، ووين وقف
تشوف كم محادثة انحلت بدون موظف بشري وكم تحولت لفريقك. والأسئلة اللي ما لقى لها جواب تطلع لك مع عدد مرات تكرارها، فتدرّبه عليها.
أسئلة عن الميزة
هل يبدأ الموظف يرد على العملاء أول ما أنشئه؟
لا. ما يظهر لأي عميل قبل ما تشغّله بنفسك، وتقدر توقفه بعدها في أي وقت.
وش يصير لو سأل العميل عن شي ما يعرفه الموظف؟
يحوّل المحادثة حسب حالات التحويل اللي حددتها، ويوصل المسؤول تبليغ بالسبب. والسؤال نفسه يظهر في التحليلات عشان تضيف جوابه لمعرفة الموظف.
هل الموظف الآلي ضمن باقتي؟
لا، هو إضافة تشترك فيها فوق باقتك، وتكلفة استخدامه تُحسب بشكل منفصل عن الاشتراك.
