ملخص المكالمات والنص المكتوب
اعرف وش صار في المكالمة بدون ما تسمعها
بعد كل مكالمة يكتب هاتف ملخصها في نقاط قصيرة داخل محادثة العميل، ومعه انطباع العميل والنص الكامل. أي موظف يفتح المحادثة يعرف اللي انقال ويكمل من عنده.
اسمع اللحظة اللي تهمك بدون ما تسمع المكالمة كلها
المكالمة مكتوبة سطر بسطر، وكل سطر باسم اللي قاله. تضغط على وقت السطر والتسجيل ينتقل لنفس اللحظة.
المقطع الصوتي في واتساب تقرأه بدل ما تسمعه
لما يرسل العميل مقطع صوتي على واتساب، يكتب هاتف ملخصه ونصه تحته مع انطباع العميل. ولكل محادثة ملخص قصير يجمع اللي صار مع العميل في المكالمات والرسائل.
اعرف أي مكالمة انتهت والعميل منزعج
هاتف يصنف انطباع العميل في كل مكالمة: إيجابي، محايد، سلبي أو مختلط. تصفّي على السلبي وتطلع لك مكالماته فقط، بدون ما تسمع المكالمات كلها.
اكتب للملخص وش يهمك يطلع فيه
تكتب بكلامك وش تبي الملخص يركز عليه، مثل السعر وموعد المعاينة وطريقة الدفع، وهاتف يتبعه.
- كل قناة لها تعليماتها، فرقم المبيعات يختلف عن خدمة العملاء
- نص عادي، بدون أي إعداد تقني
أسئلة عن الميزة
هل كل مكالمة يطلع لها ملخص؟
كل مكالمة فيها كلام كافي للتحليل. المكالمة القصيرة جداً ما يطلع لها ملخص ولا انطباع، وباقي المكالمات قد تاخذ معالجتها بعض الوقت بعد ما تنتهي.
هل أقدر آخذ نص المكالمة خارج هاتف؟
نعم. تنسخ النص كامل أو تنزله كملف نصي، وكل سطر فيه توقيته واسم اللي تكلم.
وين ألقى الملخص؟
تحت المكالمة نفسها داخل محادثة العميل، مع باقي رسائله.
