التحليلات والتقارير
تعرف وش صار في مكالماتك ورسائلك بدون ما تسأل أحد
أرقام مكالماتك وواتسابك في صفحة وحدة: كم محادثة وصلتك وكيف توزعت على الأيام. وكل رقم معه مقارنة بالفترة اللي قبلها، فتعرف هل الوضع يتحسن أو يتراجع.
كم مكالمة رديتوا عليها، وكم فاتت
تعرف نسبة الرد على المكالمات الواردة، كم مكالمة فاتت، وكم ينتظر المتصل قبل ما يرد عليه أحد. وجنب كل رقم تغيّره عن الفترة اللي قبلها.
- يفرّق بين المكالمة الفائتة، واللي رفضها الموظف، واللي تُركت في الرد الآلي
- نتائج المكالمات يوم بيوم، الوارد والصادر
سرعة رد كل فريق قدامك
لكل فريق تعرف كم محادثة وصلته، كم جاوب عليها وكم أغلق، وكم ياخذ عشان يرد على العميل أول مرة. وتنزل لعضو واحد من الفريق إذا تبي تشوف أرقامه هو.
- زمن الرد الأول، الرد التالي، وإغلاق المحادثة
- يومي أو أسبوعي، ولكل قناة لحالها
وش المواضيع اللي يكلمونك فيها عملاؤك
هاتف يقرأ محادثاتك ويجمع المتشابه منها في مواضيع، فتعرف وش أكثر شي يسأل عنه عملاؤك ووش اللي مزعجهم. تضغط على أي موضوع وتفتح لك محادثاته.
كل أسبوع، تعرف وش اللي تغيّر
كل يوم أحد يطلع لك اللي خرج عن المعتاد: موضوع ارتفع فجأة، شكوى تتكرر، أو موضوع جديد ما كان يجيك قبل. ومع كل واحد شرح مكتوب من المحادثات نفسها.
أسئلة عن الميزة
مين يقدر يشوف التحليلات من فريقي؟
اللي عنده صلاحية التحليلات في مساحة العمل فقط. وتصدير التقرير له صلاحية مستقلة عنها.
متى تظهر تحليلات الذكاء الاصطناعي ومؤشرات الأسبوع؟
بعد ما يتجمع عندك عدد كافي من المحادثات المحللة. قبلها تشوف أرقام المكالمات والواتساب في النظرة العامة.
أقدر أصدّر الأرقام خارج هاتف؟
نعم. تصدّر التقرير للفترة اللي قدامك، ويوصلك على بريدك الإلكتروني.
