الأدوار والصلاحيات المخصصة
كل موظف يشوف اللي يخص شغله، وأنت تحدده مرة وحدة
تجمع الصلاحيات في دور باسم الوظيفة، مثل مستشار مبيعات أو المحاسبة، وتعطيه لمن تبي من الفريق. وأي تعديل على الدور يوصل لكل من يحمله.
أدوار بأسماء وظائف شركتك
تسوي دور لكل وظيفة عندك وتحدد وش يفتح. المحاسبة مثلاً تفتح الرصيد والفواتير وما توصل لمحادثات العملاء.
كل دور يوصل لقنواته، ويشوف المحادثات اللي تخصه
تختار القنوات اللي يوصل لها كل دور، ووش يسوي فيها: يرسل الرسائل، يغلق المحادثات، يبدأ المكالمات ويستقبلها. وتحدد هل يشوف كل محادثات القناة أو المسندة له فقط.
- القناة اللي ما فعّلتها للدور ما يوصل لها أصحابه
- «المسندة إليهم فقط» تشتغل على القناة المفعّلة فيها خصوصية المحادثات
الموظف ياخذ صلاحياته كلها بدور واحد
بدل ما تأشّر صلاحيات كل موظف وحدة وحدة، تعطيه الدور وياخذ كل اللي فيه. وتعطي نفس الدور لعدة موظفين مرة وحدة، أو للفريق كله.
افتح صلاحيات أي موظف واعرف من وين جت
لكل موظف تشوف صلاحياته وأي دور منحه كل وحدة، فتعرف ليش يوصل لصفحة معيّنة. وتزيد موظف واحد صلاحية فوق دوره، والدور يبقى مثل ما هو على البقية.
أسئلة عن الميزة
هل يقدر الموظف يحمل أكثر من دور؟
إيه، وصلاحيات أدواره تتجمع. وإذا دورين يفتحون نفس القناة وواحد منهم وصوله أوسع، الأوسع هو اللي يطبّق.
وش يصير إذا عدّلت دور أو حذفته وفيه موظفين؟
التعديل يمشي على كل من يحمل الدور، والحذف يشيل منهم الوصول اللي كان يعطيهم. وقبل أي تقليص هاتف يطلب تأكيدك ويذكر كم عضو يتأثر، لأنه قد يلغي إسناد محادثاتهم ومهامهم.
مين يقدر ينشئ الأدوار ويعدّلها؟
مالك الحساب، وأي عضو أعطيته صلاحية «إدارة صلاحيات الأعضاء».
