جهات الاتصال والخصائص
كل عميل له ملف واحد، والفريق كله يشوفه
كل عملاء شركتك في قائمة وحدة، ولكل عميل ملف فيه بياناته ومهامه وملاحظات فريقك عليه. ومن نفس الملف تراسله أو تتصل عليه.
أضف الحقول اللي تهم شغلك أنت
أي معلومة تهم شغلك تسوي لها حقل، مثل نوع العقار أو الميزانية، ويظهر في ملفات كل العملاء. وتصفّي القائمة عليه وقت ما تحتاج.
- أربعة أنواع للحقل: نص، رقم، قائمة، تاريخ
- أكثر من رقم هاتف لنفس العميل
شوف عملاءك كلوحة، مجمّعين حسب أي خاصية
تشوف عملاءك أعمدة حسب أي خاصية من نوع قائمة، مثل نوع العقار، وتعرف كم عميل في كل عمود. تسحب بطاقة العميل لعمود ثاني وتتغير قيمة الخاصية عنده.
ملاحظات الفريق، وسجل بكل تغيير صار
ملاحظات فريقك على العميل محفوظة في ملفه، ومعها سجل بكل تعديل: وش تغيّر، متى، ومين غيّره. اللي يستلم العميل بعدين يقرأ القصة كاملة بدل ما يسأل.
عملاءك في ملف Excel؟ استوردهم مع حقولهم
ترفع ملف Excel أو CSV وهاتف يربط أعمدته بحقولك، ويقترح حقل للعمود اللي ما له مكان. وأنت تراجع الربط وتعدله قبل ما تكمل.
- رقم الهاتف هو الحقل الوحيد المطلوب
- يتحقق من صلاحية الأرقام قبل الاستيراد
- العميل المكرر تختار له: تخطي أو تحديث
أسئلة عن الميزة
أقدر أطلّع جهات الاتصال في ملف؟
إيه، إذا عندك صلاحية التصدير. تصدّر العملاء اللي قدامك حسب البحث والتصفية، ويوصلك الملف على بريدك الإلكتروني.
وش يصير لو حظرت جهة اتصال؟
تختفي من جهات الاتصال ومن المحادثات، وما توصلك منها رسائل ولا مكالمات. وتلغي الحظر من الإعدادات متى ما بغيت.
لو استوردت ملف وفيه عملاء موجودين عندي من قبل؟
أنت تختار قبل الاستيراد. تخطي يخلّي جهة الاتصال الحالية مثل ما هي، وتحديث يستبدل بياناتها بالبيانات الجديدة من الملف.
