المكالمات الآلية الصادرة
اتصال آلي يسأل عميلك، وجوابه يرجع لنظامك
هاتف يتصل على عميلك من رقم شركتك ويسأله سؤال مسجل، والعميل يجاوب بضغطة رقم. الجواب يوصل لنظامك أول ما تنتهي المكالمة، بدون ما موظف يرفع السماعة.
مواعيدك تتأكد بدون ما أحد يتصل
بدل ما موظفك يقضي يومه يتصل على العملاء يأكد مواعيدهم، هاتف يتصل عنه ويسأل: «للتأكيد اضغط 1، للإلغاء اضغط 2». السؤال بتسجيلك أنت، والمكالمة من رقم شركتك اللي العميل يعرفه.
- نظام حجوزاتك هو اللي يطلب المكالمة، عبر API
- العميل يسمع رد على اختياره، مثل «تم تأكيد موعدك»
اعرف العميل الجاد قبل ما يكلمه مندوبك
إذا سؤال واحد ما يكفي، هاتف يسأل العميل عدة أسئلة ورا بعض، مثل اهتمامه وميزانيته ومتى ناوي يشتري. مندوبك يتصل بعدها على اللي يستاهل وقته.
- حتى 10 أسئلة في المكالمة الواحدة
- تجهّز الأسئلة مرة، وتستخدمها في كل مكالمة
الجواب يرجع لنظامك جاهز
أول ما تنتهي المكالمة يوصل جواب العميل لنظامك، فالموعد يتأكد أو يتلغي عندك بدون ما أحد يدخله بيده. وإذا العميل ما رد أو خطه مشغول تعرف، وتقرر تعيد الاتصال أو لا.
أسئلة عن الميزة
هل أقدر أسويها من لوحة التحكم؟
لا، تشتغل عبر API. تحتاج نظام عندك يطلب المكالمات، والتوثيق في docs.hatif.io.
وش صيغة المقاطع الصوتية؟
ملفات WAV على رابط مباشر. كل سؤال له مقطع، ومقاطع الترحيب والختام اختيارية.
وش أشهر استخداماتها؟
تأكيد المواعيد قبل وقتها، تأهيل العملاء الجدد بأسئلة قصيرة، واستطلاع رأي العميل بعد الخدمة.
