كل المزايا
تطبيق الجوال
رقم الشركة في جوالك، بدون شريحة ثانية
محادثات الشركة ومكالماتها ومهامك معك في جوالك. ترد على العميل من رقم الشركة، وكل اللي تسويه يظهر لباقي الفريق.
المحادثات والمكالمات والمهام في شاشة وحدة
تفتح التطبيق وتعرف وش يحتاجك الحين: كم محادثة ما انقرت، وكم مهمة مفتوحة، وأي مكالمة فاتت. وكل محادثة عليها اسم الموظف المسؤول، فتعرف مين ماسكها.
المكالمة وملخصها داخل المحادثة
مكالمات العميل تنزل مع رسائل الواتساب في نفس المحادثة. تسمع التسجيل من جوالك، أو تقرأ ملخص أهم اللي انقال مع انطباع العميل.
اقرأ المكالمة بدل ما تسمعها
تقرأ المكالمة مكتوبة وين ما كنت، كل جملة باسم اللي قالها. وإذا تبي تتأكد من جملة تضغطها وتسمعها من التسجيل.
شاور زميلك، وأسند المحادثة من جوالك
تسأل زميلك عن رسالة العميل داخل المحادثة نفسها، والعميل ما يشوف منه شي. وإذا المحادثة لغيرك تسندها لزميل، أو تسوي منها مهمة، وأنت برا المكتب.
