الحملات التسويقية
رسالة واتساب وحدة توصل لعملائك كلهم، وتعرف وش صار بعدها
ترسل رسالة واتساب وحدة من رقم شركتك لقائمة العملاء اللي تختارها، في الوقت اللي تحدده. وبعدها تعرف كم وحدة وصلت وكم عميل رد.
جهّز الرسالة وشوفها بعين العميل قبل ما تطلع
تشوف الرسالة بشكلها في واتساب قبل ما توصل لأي عميل، وكل مستلم توصله باسمه هو.
- تنرسل من قالب معتمد من واتساب لحسابك
- تجدولها للتاريخ والوقت اللي يناسب عملاءك
اختر مين توصله الرسالة، وشوف العدد والتكلفة قبل الإرسال
ترسل لكل عملائك أو لشريحة منهم، مثل اللي ما تواصلتوا معهم خلال شهر. وقبل ما تنشئ الحملة تعرف كم عميل بتوصله وكم بتكلفك.
- تختار المستلمين بالاسم أو بخصائصهم، أو ترفعهم من ملف
- إذا رصيدك ما يغطي الكل، يجيك تنبيه بعدد اللي يغطيهم
تعرف وش صار مع كل مستلم
لكل مستلم تعرف هل وصلته الرسالة وهل قرأها، وإذا فشلت وش السبب. واللي له محادثة تفتحها من صندوق الوارد وتكمل معه.
- تصفّي على حالة وحدة، مثل الرسائل اللي فشلت
- تصدّر السجل كملف
الحملة المجدولة تقدر تعدلها أو تلغيها قبل ما تطلع
ما دامت الحملة ما بدأت تقدر تغيّر اسمها وموعدها أو تلغيها. وأي حملة سابقة ترجع لها وتشوف نتائجها.
أسئلة عن الميزة
وش أحتاج عشان أرسل حملة؟
قناة واتساب المؤسسي مربوطة بحسابك في هاتف، وقالب رسالة معتمد من واتساب.
كيف تنحسب تكلفة الحملة؟
رسالة برسالة من رصيدك وقت الإرسال. تشوف التكلفة التقديرية قبل ما تنشئ الحملة، وإذا رصيدك ما يغطي كل المستهدفين يجيك تنبيه بعدد اللي يغطيهم.
أقدر أعدل الحملة بعد ما أجدولها؟
نعم، ما دامت مجدولة تعدل اسمها وموعدها أو تلغيها. القالب والمستلمين ما يتغيرون بعد الإنشاء.
